3 dagers rundtur

Både Memurubu, Glitterheim og Bessheim er tradisjonsrike hytter i Jotunheimen. I over 100 år har vertskapsfamiliane i generasjon etter generasjon teke imot fjellvandrarar både sommar og vinter. Her sit tradisjonar og opplevingar frå både vertskap og gjestar i veggane. Kom og opplev atmosfæren på hyttene og den flotte naturen. Vi gjer vårt beste for å ta imot fjellvandrarar med god mat, trivelig atmosfære og gode historier.

Dette er rundturen

Dag 1. Ankomst og middag Bessheim Fjellstue om kvelden.

Dag 2. Bessheim - Glitterheim.

Følg T-merka rute til Glitterheim via Bessvatnet og Russdalen. Opp mellom vestre og austre Hestlægerhøe. Dette er høgaste punktet denne dagen, 1685moh. Her kjem du over i Veodalen og du går til Glitterheim.

21 km.

Dag 3. Glitterheim-Memurubu.

Følg T-merka rute frå Glitterheim og attende Hestlegerhøene

(høgaste punktet denne dagen 1685 moh) og til Blåtjønnholet. Frå her går du langs med Russvatnet 1175 moh. Oppover i nedre Russglopet heilt til du kjem inn på Besseggenstigen. Her er du på omlag 1400 moh. Bratt nedover til Memurubu.

19 km.

Dag 4. Memurubu-Bessheim.

Tre alternativ:

1. Ta Gjendebåten på fjellvatnet Gjende (1000 moh) frå Memurubu til Gjendeosen, og gå Gjendehalsen til Bessheim. Høgaste punktet er 1105 moh. Båtbillett er ikkje inkludert i prisen.
   4 km å gå.

2. Gå frå Memurubu til Gjendeosen langs fjellvatnet Gjende. Ruta går langs med vatnet det meste av turen, men etter nokre få kilometer er det ca. 100 meter stigning. Avslutt turen med T-merka stig over Gjendeshalsen til Bessheim. Gjendehalsen er høgaste punktet, 1105 moh.
   14 km.

3. Gå den T-merka ruta frå Memurubu til Bandet 1379 moh, klatre opp Besseggen og gå vidare opp på Veslefjell 1743 moh. Eit stykke etter toppen følgjer du T-merkinga ned til Bessheim via Bessvassosen. Dette er forresten den fyrste varda ruta i Norge.
   17 km